بسم الله
احنا ناسيين كل حاجة
ناسين دينا
وبلدنا
وحياتنا
تقدر تقولي… صليت كام ركعة النهاردة
هنتفترض انك صليت
خير ونعمة
تقدر تقولي النهاردة إيه
سبت ولا حد ولا اتنين
يا عم
مبقتش فارقة
طب بلاش دي
طب النهاردة كام
ولو عرفت كل ده
طب كام هجري ها
اديك متنحلي
طيب سؤال بسيط
هما كلمتين
الساعة كام
تعد بقا تطلعلي الموبايل
وتسأل صحابك
والآخر تعرف ساعة متقدمة او متأخرة
يا عم
مبقتش تفرق
اجدادنا زمان
كنت تقوله الساعة كام
يبص ف السما
زي الصقر
يقولك الساعة كذا
انما دلوقتي
عيني عليك يا زمن
ندخل بقا ف البلد
تعرف تقولي مصر فيها كام محافظة ؟
بلاش دي
من محافظ المحافظة الي انت فيها
طب نروح للمصيبة الأكبر
مين رئيس مصر
اعذروني
ده سؤال صعب شوية
هاهاها
بهزر طبعا
كله إلا الحكومة
أكيد جمال مبارك .!
طب هو عيد ميلادك امتي
ارجوكم بلاش السيرة دي
ده كان يوم اسود
ده حتي اعيادنا القومية
مرة السادس من اكتوبر – العاشر من رمضان
ومرة تلاقي اكتوبر ملهوش علاقة برمضان اصلا
طب المفروض كدولة مسلمة احتفل بيه يوم 6 اكتوبر
ولا 10 رمضان
انا بفضل اكبر دماغي
انا مش يائس
انا بس بفكركم
علي أد احلامك علي أد ما هتاخد
خليك كبير واحلم حلم كبير
ومتنساش الكبير كبير